Денес одбележуваме 84 години од денот кога „пукнала првата пушка“ во Прилеп и Куманово и саможртвата на десеттици младинци предводени од КПМ. Тоа е важен меѓник во борбата за самобитност и самостојност на македонскиот народ. Со својата вооружена борба, Македонија не станала квислиншка територија, туку, напротив, жешко подрачје за окупаторот и дала свој придонес во победата над фашизмот во Втората светска војна.
