Од почетокот на војната во Украина во 2022 година Република Чешка испратила помош за оружје на Киев во износ од 725 милиони евра, додека добила назад 1,04 милијарди евра преку поврат на средства од фондовите на Европската Унија и НАТО и како подарок од сојузниците, објави денес чешкиот премиер во заминување Петр Фијала. 
Помошта испратена од Чешка вклучува старо постсоветско оружје и воена опрема од магацини што Чешка и онака би ги отфрлила, 390 артикли, вклучувајќи, на пример, тенкови, хеликоптери или борбени возила, а исто така финансирала и обука на 10.000 украински војници.
Помошта во оружје ѝ била делумно рефундирана, но како да набавува ново оружје од фондовите на НАТО, што на ист начин го користеле и така заработиле и Соединетите Американски Држави и други членки, и од фондовите на ЕУ, а таа добила и оружје како подарок од сојузниците, на пример тенкови „леопард“ од Германија во замена за стари тенкови испратени на Украина.
Фијала кажа дека во рамките на меѓународната иницијатива „Муниција за Украина“ која ја почна Чешка, за оваа година веќе се обезбедени 1,3 милиони парчиња артилериска муниција, додека планот е за 1,8 милиони до крајот на годината.
Во таа иницијатива чешките медијатори бараат артилериска муниција во трети земји, меѓу кои и во Србија, која потоа ја плаќаат богатите западни земји од иницијативата и ја даваат како подарок на Украина.
Фијала кажа дека Чешка инвестирала 70 милиони евра во таа иницијатива и купила муниција од чешки производител, додека другите партнери во иницијативата инвестирале 3,8 милијарди евра во набавката на муниција.
Критиката кон иницијативата „Муниција за Украина“ и помошта за Украина во оружје беше една од главните теми на кампањата пред парламентарните избори на 3 и 4 октомври, кога првенствено екстремистите, главно најрадикалните националисти од партијата Слобода и директна демократија, но и од победничката партија АНО на веројатниот иден премиер Андреј Бабиш, ја обвинија владата на Фијала дека нема пари за Чесите, а сè наводно им дава на Украинците.
Бабиш по изборите изјави дека повеќе нема да испраќа круна директно од буџетот за оружје во Украина, иако Чешка добива повеќе отколку што дава за воена помош.
Додека пред изборите најави дека ќе ја повлече Чешка од иницијативата „Муниција за Украина“, сега Бабиш ја смени играта и тврди дека тоа е добра иницијатива, но мора да се обезбеди да биде потранспарентна и не на неа да се богатат Украинците на сметка на чешките трговци.
